لا تستحي من ضمّة الرّوح للرّوح ..
دايمـ يضموّن الحبايب حبايب ..
هي لهفة(ن) فيها الغلا دومـ مسموح ..
حتّى ولو كانت من أشواق ذايب ..
ضمّة غلا ماهي تعابير ومزوح ..
لا تحسب إن ضمّة غلانا مصايب ..
لو تكسر ضلوعكـ بتحيي بكـ الرّوح ..
صدّقني أدري في ألمها عجايب ..








قبل أعرفكـ كان طعمـ العمر فاني ..
ومن لقيتكـ لذ ّ لي مافيه كلّه ..






فيكـ لا يمكن أغيّر موقفي ..
أنت محبوبي مع كلّ الظّروف ..
ثابت(ن) رأيي ومهما تختفي ..
لكـ مكانة فايقة كلّ الوصوف ..
ترجمي يا دمعتي له و اوصفي ..
حالتي في الحُبّ مكسور الكفوف ..






أناما أبي من الدنيا سوى لحضة لقا وحدهـ ..
أبي أطيح من طولي على صدركـ وتحضنّي ..!!
تعبت أشدّ بكـ حبل الشّوق وأمدّهـ ..
أبي أشكي على صدركـ عطش هالحُبّ أرويني ..
دخيلكـ لاتخلّيني ترى صبري وصل حدّهـ ..
أهيمـ بعالمكـ طفل(ن) أمانة لاتخلّيني ..







لو بعادكـ عنّي واقع بعدي عنّكـ مستحيل ..
ما يعثّرني غيابكـ لو يصير اسمكـ غياب ..
روح وارجع روح وارجع يا عسى عمركـ طويل ..
وأوعدكـ ماراح تسمع منّي أيّ كلمة عتاب ..
خذ من المجنون حكمة فيها تحريف(ن) جميل ..
مايحرّفها جهالة ومايصيب إلاّ الصّواب ..
أصلاً المشوار خطوة تبتدي بعد ألف ميل ..
ودامه اختاركـ عذابه ظلمـ تحرمه العذاب ..









أجيك .. أسأل .. أحبك ! .. وإنت ماتدري


أشتاق / أوله عليك / و أكتم أسراري ,


( أراقبك ) من بعييد آحسّك بـ صدري !


أسولف لـ " صورتك " عن : آخر أخباري


أشاورك باللي يطري . و إللي مايطري .


- أشتتك – أجمعك – تتشتت أفكاري !


..... ساعات أزعل عليك و ينكسر صبري


و ساعات ..... أخطي بـ [ حقك ] و أنزف أعذاري ,


بيني وبيني . . . ولادة حبي . . . العذري


عني وعنك ؟ تسولف دايم / أشعاري

ما أبيك تدري بـ غلاك و : ينكشف أمري :


حلاته إني – عشقتك . وإنت مو داري !